විහාරස්ථාන හා පාසල් වෙත කංචුක 350ක් සහ මල් ආසන 100ක් පරිත්යාග කෙරේ
අනුරාධපුර පූජනීය නගරයේ පිහිටි උතුම් ස්වර්ණමාලී මහා සෑ රජුන් වහන්සේගේ මළුවේදී, ආගමික හා සමාජීය වශයෙන් වැදගත් පුණ්යමය කටයුත්තක් අද දින සිදු කෙරිණි.
සම්බුදු සසුනේ චිරස්ථිතිය උදෙසාත්, විහාරස්ථාන හා පාසල්වල ආගමික කටයුතු සඳහා අවශ්ය පහසුකම් සපයා දීමේ උතුම් අරමුණින් යුතුව මෙම පරිත්යාග වැඩසටහන සංවිධානය කර තිබිණි.
එහිදී රුපියල් පනස් දහසක් (රු. 50,000) පමණ වටිනා කංචුක 350ක් සහ රුපියල් ලක්ෂයක් (රු. 100,000) පමණ වටිනා මල් ආසන 100ක් විහාරස්ථාන හා පාසල් සඳහා පරිත්යාග කිරීම සිදු විය.
මෙම උතුම් පුණ්ය කටයුත්ත ස්වර්ණමාලී සෑ චෛත්යරාමාධිපති, පූජ්ය ඊතලවැටුණුවැවේ ඥානතිලක නාහිමිපාණන් වහන්සේගේ ප්රධානත්වයෙන් පැවැත්විණි.
බුදු දහමේ ඉගැන්වීම් අනුව දානය හා පරිත්යාගය උතුම් පුණ්යකර්මයක් ලෙස සැලකෙන අතර, ආගමික ස්ථාන හා පාසල් වෙත මෙවැනි අවශ්ය ද්රව්ය පරිත්යාග කිරීම තුළින් එම ස්ථානවල ආගමික කටයුතු මෙන්ම දරු දැරියන්ගේ ආගමික හා සදාචාරාත්මක අධ්යාපන කටයුතු සඳහාද සහායක් ලැබේ.
විශේෂයෙන්ම ශ්රී ලාංකීය බෞද්ධ ජනතාවගේ අතිශය ගෞරවාදරයට පාත්ර වූ අනුරාධපුර පූජනීය භූමියේ, ස්වර්ණමාලී මහා සෑ රජුන් වහන්සේ අභියසදී මෙවැනි පුණ්ය කටයුත්තක් සිදුකිරීම එහි බැතිමත් හා ආධ්යාත්මික වටිනාකම තවදුරටත් ඉහළ නංවන්නකි.
විහාරස්ථාන හා පාසල් වෙත ලබාදුන් මෙම කංචුක සහ මල් ආසන, ආගමික වතාවත් හා විවිධ ආගමික අවස්ථාවන්හිදී ප්රයෝජනයට ගැනීමට හැකි වන අතර, එමගින් බුදු සසුනේ හා දහම් අධ්යාපනයේ උන්නතිය වෙනුවෙන් සිදුකරන කාර්යයන් සඳහා දායකත්වයක් ලබාදීමට හැකිවනු ඇත.
071 70 20 840 – ishan
