බ්රිතාන්යයේදී ශ්රී ලාංකික තරුණියක ඝාතනය කළ සැකකරු අධිකරණයේදී වරද පිළිගනී.
බ්රිතාන්යයේ කාඩිෆ් (Cardiff) නුවරදී ශ්රී ලාංකික කාන්තාවක වන නිරෝධා නිවුන්හැල්ල ඝාතනය කිරීමේ චෝදනාවට ලක්ව සිටි 37 හැවිරිදි තිසර වේරගලගේ නමැති පුද්ගලයා, තමන් එම ඝාතනය සිදුකළ බවට නිව්පෝර්ට් ක්රවුන් අධිකරණය හමුවේ වරද පිළිගෙන තිබේ.
32 හැවිරිදි නිරෝධා නිවුන්හැල්ල නමැති කාන්තාව ඝාතනයට ලක්වූයේ 2025 අගෝස්තු 21 වන දින කාඩිෆ් හි රිවර්සයිඩ් ප්රදේශයේදීය. ඝාතනය සම්බන්ධයෙන් සැකපිට අත්අඩංගුවට ගත් තිසර වේරගලගේ ඇයගේ ස්වාමිපුරුෂයා වන අතර, ඔවුන් 2017 වසරේදී විවාහ වී 2022 වසරේදී බ්රිතාන්යය බලා සංක්රමණය වී තිබුණි.
පෙන්ට්වින් ප්රදේශයේ පදිංචිකරුවෙකු වන සැකකරු මීට පෙර මෙම ඝාතන චෝදනාව ප්රතික්ෂේප කර තිබුණද, පසුගිය සඳුදා පැවති නඩු විභාගයේදී සියලු චෝදනාවලට වරද පිළිගත්තේය. මීට පෙර තියුණු ආයුධයක් ළඟ තබා ගැනීමේ චෝදනාවටද ඔහු වරද පිළිගෙන තිබූ අතර, දැනට ඔහු රක්ෂිත බන්ධනාගාරගත කර සිටී.
නිරෝධාගේ මරණය සම්බන්ධයෙන් ඇයගේ දෙමාපියන් සහ පවුලේ හිතවතුන් දැඩි කම්පනයට පත්ව සිටිති. “ඇය අපට සිටි එකම දරුවා” යැයි පවසමින් ඇයගේ මව මීට පෙර සිය ශෝකය ප්රකාශ කර තිබුණි. ඇයගේ පවුලේ සාමාජිකයන් නිකුත් කළ සමුගැනීමේ සටහනක මෙසේ සඳහන් විය;
“නිරෝධා යනු ඉතා කරුණාවන්ත, උණුසුම් හදවතක් ඇති දියණියක්. ඇයගේ ජීවන ගමන කෙටි වුවත් ඇය බොහෝ පිරිසකගේ හදවත් ස්පර්ශ කළා. ඇයගේ මතකය අපට සදාකාලික ධෛර්යයක් වනු ඇත.”
#Britsh#Murder#Rapid News#
