ප්රකාශයට පත් කර ඇති මහජන හදිසි තත්ත්වය තවත් මසකින් දීර්ඝ කිරීම සඳහා පාර්ලිමේන්තුවට ඉදිරිපත් කළ යෝජනාව වැඩි ඡන්ද 104කින් සම්මතවී තිබෙනවා.
අදාළ යෝජනාවට පක්ෂව ඡන්ද 106ක් හිමි වූ අතර විපක්ෂව හිමිවූයේ ඡන්ද 02ක් පමණයි.
මේ සඳහා පාර්ලිමේන්තු මන්ත්රී ගජේන්ද්රකුමාර් පොන්නම්බලම් මහතා විසින් ඡන්දයක් ඉල්ලා සිටියා.
ඒ අනුව පනත් යෝජනාවට පක්ෂව ඡන්ද 106ක් හිමි වූ අතර ගජේන්ද්රකුමාර් පොන්නම්බලම් සහ සෙල්වම් අඩෛක්කලනාදන් යන මහත්වරුන් ඊට විපක්ෂව ඡන්දය ලබා දුන්නා.
මහජන ආරක්ෂක ආඥා පනතේ විෂය අංක 80 යෝජනා සම්මතය වැඩි ඡන්ද 104කින් සම්මත වූ බව කථානායක වෛද්ය ජගත් වික්රමනායක මහතා දැනුම්දුන්නා.
මේ අතර අත්යවශ්ය මහජන සේවා පනත යටතේ යෝජනා ඒකමතිකව සම්මත කරගනු ලැබුවා.
