ඉන්ධන පිරවුම්හල් හිමියන් ඉන්ධන බෙදා හැරීම සම්බන්ධයෙන් මතුව ඇති අර්බුදය පිළිබදව සාකච්ඡා කිරීම සදහා මාර්තු 03 වන අද දින පෙරවරුවේ ජනාධිපති අනුර කුමාර දිසානායක මහතා හමුවීමට නියමිත බවට වාර්තා වේ.
ලංකා ඛනිජ තෙල් නීතිගත සංස්ථාව හා ඉන්ධන බෙදුම්කරුවන් අතර මෙතෙක් පැවැති බෙදුම්කාරීත්ව ගිවිසුම අනුව පිරවුම්හලකින් අලෙවි කෙරෙන සෑම ඉන්ධන ලීටරයකටම ලබාදුන් 3% වට්ටම අහෝසි කිරීමට සංස්ථාව පසුගියදා තීරණය කර ඇති නිසා එම තීරණයත් සමග අලුතින් ඉන්ධන ඇණවුම් නොකිරීමට ඛනිජ තෙල් බෙදුම්කරුවන්ගේ සංගමය පසුගිය සිකුරාදා තීරණය කළ බවට වාර්තා වේ.
ලංකා ඛනිජතෙල් බෙදුම්කරුවන්ගේ සංගමයේ අධ්යක්ෂ මණ්ඩල සාමාජික ශාන්ත සිල්වා මෙම සිද්ධියත් සමග සති අන්තයේ ඉන්ධන පිරවුම්හල් අසළ දිගු පෝලිම් දක්නට ලැබීමෙන් පසුවත් ඉන්ධන ඇනවුම් නොකිරීමට ගනු ලැබූ තීරණයේ කිසිදු වෙනසක් නොමැති බව ද සදහන් වේ.
ලංකා ඛණිජ තෙල් බෙදුම්කරුවන්ගේ සංගමය එවන් පසුබිමක ඉන්ධන නිකුත් කිරීමේදී බැංකු සහ ක්රෙඩිට් කාඩ්පත්වලින් ගෙවීම් කිරීමට පාරිභෝගිකයන්ට ලබාදී තිබූ අවස්ථාවද අහිමි කිරීමට සිදුවිය හැකි බව දන්වා සිටියද ඉන්ධන බෙදුම්කරුවන් වෙත ලබාදුන් 3%ක වට්ටම අහෝසි කිරීමට ගත් තීරණයේ කිසිඳු වෙනසක් සිදු නොකරන බව කැබිනට් ප්රකාශක, අමාත්ය වෛද්ය නලින්ද ජයතිස්ස මහතා ප්රකාශ කර ඇත.
මේ අතර, ඉන්ධන පිරවුම්හල් රාත්රි 08.00 ට වසා දමන බවට සමාජ මාධ්යයේ පැතිර යන අතර ඉන්ධන පිරවුම්හල්වල පොම්පකරුවන් කියා සිටියේ තමන් එවැනි සිදුවීමක් සම්බන්ධයෙන් නොදන්නා බවත් ඇතැම් ඉන්ධන පිරවුම්හල් පැය 24 පුරා ක්රියාත්මක වන බවද ඔවුන් ප්රකාශ කර ඇත.
