ක්‍රිකට් පාලක මණ්ඩලය විසුරුවයි ද?

ශ්‍රී ලංකාවේ ක්‍රිකට් පාලන ක්‍රමය ප්‍රතිසංස්කරණය කිරීමේ අරමුණින් නව අතුරු පාලන ව්‍යුහයක් හඳුන්වා දීමට රජය පියවර ගනිමින් සිටින බව වාර්තා වේ. මේ සම්බන්ධයෙන් රජය ජාත්‍යන්තර ක්‍රිකට් පාලන ආයතනය වන International Cricket Council (ICC) සමඟ සාකච්ඡා ආරම්භ කර ඇති බව නිල ආරංචි මාර්ග සඳහන් කරයි.
මෙම යෝජිත අතුරු පාලන ක්‍රමය හඳුන්වා දීමේ ප්‍රධාන අරමුණ වන්නේ Sri Lanka Cricket ආයතනයේ පාලන ක්‍රමවේදය යාවත්කාලීන කිරීම හා ක්‍රිකට් ක්‍රීඩාවේ ප්‍රගතිය සඳහා නව පාලන ව්‍යුහයක් සකස් කිරීම බව බලධාරීන් පවසයි.
පසුගිය කාලය තුළ ශ්‍රී ලංකා ක්‍රිකට් පාලනය සම්බන්ධයෙන් මතු වූ විවේචන සහ ගැටලු සැලකිල්ලට ගනිමින්, විනිවිදභාවය සහ කාර්යක්ෂමතාව වැඩිදියුණු කිරීම සඳහා මෙම පියවර ගනු ලබන බව ද සඳහන් වේ.
මේ සම්බන්ධයෙන් ICC සමඟ පැවැත්වෙන සාකච්ඡා වල ප්‍රතිඵල අනුව, ශ්‍රී ලංකා ක්‍රිකට් පාලනයට අදාළ නව තීරණ ඉදිරියේදී ප්‍රකාශයට පත් කිරීමට අපේක්ෂිතය.