කොළඹ / හොංකොං: ශ්‍රී ලාංකේය ප්‍රමුඛ පෙළේ නීතිඥයෙකු, ප්‍රකට මානව හිමිකම් ක්‍රියාකාරිකයෙකු, දාර්ශනිකයෙකු, කවියෙකු සහ ලේඛකයෙකු වූ බැසිල් ප්‍රනාන්දු මහතා අභාවප්‍රාප්ත වී තිබේ.
හොංකොං හි පදිංචිව සිටි ඒ මහතා, සිය ජීවිතයේ වැඩි කාලයක් නීතියේ ආධිපත්‍යය, යුක්තිය සහ මානුෂීය ගෞරවය සුරැකීම වෙනුවෙන් කැපවූ විශිෂ්ට බුද්ධිමතෙකි.
මානව හිමිකම් ක්ෂේත්‍රයට කළ මෙහෙවර
සාමාන්‍ය ජනතාවගේ හඬ වෙනුවෙන් නිර්භීතව පෙනී සිටි බැසිල් ප්‍රනාන්දු මහතා, ආසියානු මානව හිමිකම් කොමිෂන් සභාව (AHRC) සහ ආසියානු නීති සම්පත් මධ්‍යස්ථානය (ALRC) සමඟ එක්ව ආසියානු කලාපයේ මානව හිමිකම් තහවුරු කිරීමට සක්‍රීයව දායක විය. මීට අමතරව, ඔහු කාම්බෝජයේ එක්සත් ජාතීන්ගේ සංවිධානයේ ජ්‍යෙෂ්ඨ මානව හිමිකම් නිලධාරියෙකු ලෙස ද සේවය කර ඇත.
