ආරුගම්බේ ප්රහාර තර්ජනය: ආරක්ෂාව තහවුරු කිරීමට විශේෂ පියවර
සති තුනක කාලයක් තුළ ලැබුණු බුද්ධි තොරතුරු මත විදේශිකයන් ඉලක්ක කරගනිමින් ප්රහාරයක් එල්ල කිරීමේ අවදානමක් පිළිබඳව ආරක්ෂක කවුන්සිලය රැස්වී විශේෂ විශ්ලේෂණයක් සිදු කළ බව වැඩබලන පොලිස්පති ප්රියන්ත වීරසූරිය පවසයි.
ආරක්ෂක පියවර සහ සෝදිසි මෙහෙයුම්
ඔක්තෝබර් 23 වන දා විශේෂ මාධ්ය හමුවකදී ප්රියන්ත වීරසූරිය පෙන්වා දෙන්නේ, විදේශිකයන් රැස්වන ස්ථානවල ආරක්ෂාව තහවුරු කිරීම සඳහා බුද්ධි අංශ නිලධාරීන් යොදවා ඇති බවයි. දේශීය පුද්ගලයන්ට එරෙහිව කිසිඳු තර්ජනයක් නොමැති බවත්, ආරුගම්බේ ප්රදේශයේ අද උදෑසන 5:00 සිට විශේෂ වටලා සෝදිසි මෙහෙයුම් පැවැත්වූ බවත් ඔහු සඳහන් කළේය.
අමෙරිකානු තානාපති කාර්යාලයේ අනතුරු ඇඟවීම
ආරුගම්බේ ප්රදේශයේ සංචාරක ස්ථාන කිහිපයක් ඉලක්ක කරමින් ප්රහාරයක් එල්ල විය හැකි බවට විශ්වාසනීය තොරතුරු ලැබී ඇති බවත්, මෙම තත්ත්වය පිළිබඳව කොළඹ පිහිටි ශ්රි ලංකා අමෙරිකානු තානාපති කාර්යාලය විසින් නිවේදනයක් නිකුත් කළේය.
සංචාරක උපදෙස් යාවත්කාලීන කිරීම
මෙම අනතුරු ඇඟවීමෙන් අනතුරුව රටවල් කිහිපයක් ද ශ්රී ලංකාව සඳහා වන සංචාරක උපදෙස් යාවත්කාලීන කර ඇත.
