පසුගිය රජයන්ට අයත් සුඛෝපභෝගී අමාත්ය නිවාස 31 සඳහා ඉදිරියේදී ගනු ලබන පියවර පිළිබඳ අවසන් තීරණයක් ලබා දෙන ලෙස රාජ්ය පරිපාලන අමාත්යාංශය ජනාධිපති ලේකම්ගෙන් ලිඛිත ඉල්ලීමක් කර තිබේ. මෙම නිවාසවල සම්බන්ධයෙන් රජයේ ආයතන කිහිපයක් දැඩි උනන්දුවක් දක්වා ඇති අතර, ඔවුන් වසර ගණනාවක් පෞද්ගලික ගොඩනැගිලිවල කුලියට සිටීම නිසා මෙම නිවාස සාධාරණ කුලී පදනමක් මත ලබා දෙන ලෙස ඉල්ලීම් කර ඇත.
කොළඹ 05, කොළඹ 07, විජේරාම මාවත, ග්රෙගරි මාවත, බෞද්ධාලෝක මාවත, සහ ස්ටැන්ලි යනාදී මාර්ගවල පිහිටි මෙම නිවාස කිහිපයක් අක්කර එකහමාරක් පමණ භූමියක පිහිටා ඇති අතර, මේවා රාජ්ය පරිපාලන අමාත්යාංශය සතුය. රජයේ ඉහළ පෙළේ ආරංචි මාර්ග අනුව, මේ පිළිබඳ අවසන් තීරණයක් ලබා ගැනීමේ අරමුණින් ජනාධිපති ලේකම්ගෙන් මග පෙන්වීමක් ලබා දෙන ලෙස රාජ්ය පරිපාලන අමාත්යාංශය ඉල්ලීමක් කර ඇත.
තවද, වත්මන් ඇමැතිවරුන් මෙම සුඛෝපභෝගී නිවාස භාවිත නොකිරීමට ගත් තීරණයත් සමඟ මෙම නිවාස හොඳින් පරිහරණය කිරීම සඳහා රජයේ ආයතනවලට ලබා දීමට යෝජනා ඉදිරිපත් කර ඇති බව ද සඳහන් වේ.
