මෙරට දෙදින නිල සංචාරයක නිරත ඉන්දියානු උප ජනාධිපති ශ්රී සී.පී. රාධක්රිෂ්ණන් මහතා සහ අග්රාමාත්ය ආචාරිය හරිනි අමරසූරිය අතර ද්විපාර්ශ්වික සාකච්ඡාවක් අද (19) පෙරවරුවේ අරලියගහ මන්දිරයේදී පැවැත්විණි.
අරලිය ගහ මන්දිරය වෙත පැමිණි ඉන්දීය උප ජනාධිපතිතුමන්ව අග්රාමාත්ය ආචාර්ය හරිනි අමරසූරිය විසින් උණුසුම් ලෙස පිළිගනු ලැබූ අතර ඉන්දියානු උප ජනාධිපති ධුරයට පත්වීම පිළිබඳවද ශ්රී සී.පී. රාධක්රිෂ්ණන් මහතා වෙත අග්රාමාත්යතුමිය සිය සුබපැතුම් එක් කළාය.
ශ්රී ලංකාවේ සිදු කරන තම ප්රථම නිල සංචාරය මෙය බව මෙහිදි සඳහන් කළ ඉන්දියානු උප ජනාධිපතිවරයා ශ්රී ලංකාවේදී හිමි වූ විශේෂ පිළිගැනීම සහ ආගන්තුක සත්කාර පිළිබඳවද සිය ස්තූතිය පිරිනැමීය.
ඉන්දියානු දූත පිරිස නියෝජනය කරමින් ධීවර, සත්ව පාලන සහ කිරි නිෂ්පාදන රාජ්ය අමාත්ය මහාචාර්ය එස්.පී. සිං බාගෙල්, පාර්ලිමේන්තු මන්ත්රීවරුන් වන ආචාර්ය කේ. ලක්ෂ්මන්, ආචාර්ය මේධා විශ්රම් කුල්කර්ණි, විදේශ කටයුතු අමාත්යාංශයේ විදේශ ලේකම් වික්රම් මිස්රි, ශ්රී ලංකාවේ ඉන්දීය මහ කොමසාරිස් සන්තෝෂ් ජා යන මහත්ම මහත්මීහු ඇතුළු පිරිසක් සහ ශ්රී ලංකා රජය නියෝජනය කරමින් විදේශ කටයුතු, විදේශ රැකියා සහ සංචාරක අමාත්ය විජිත හේරත්, ක්රිඩා අමාත්ය සුනිල් කුමාර ගමගේ, ළමා හා කාන්තා කටයුතු අමාත්ය සරෝජා සාවිත්රි පෝල් රාජ්, අග්රාමාත්ය ලේකම් ප්රදීප් සපුතන්ත්රි, මුදල් අමාත්යංශයේ ලේකම් හර්ෂණ සූරියප්පෙරුම, අධ්යාපන අමාත්යංශයේ ලේකම් නාලක කළුවැව යන මහත්ම මහත්මීහු ඇතුළු පිරිසක් මෙම අවස්ථාවට සහභාගී වූහ.
