ශ්රී ලංකාවේ නව අගවිනිසුරු ලෙස ශ්රේෂ්ඨාධිකරණ විනිසුරු මූර්දු නිරූපා බිඳුෂිණි ප්රනාන්දු මහත්මිය ජනාධිපති කාර්යාලයේදී අද (02)පෙරවරුවේ ජනාධිපති අනුර කුමාර දිසානායක මහතා ඉදිරියේ දිවුරුම් දීම සිදුකෙරිණි.
ඒ අනුව මෙරට අගවිනිසුරු ධුරයට පත් දෙවන කාන්තාව ලෙසත්, ශ්රී ලංකාවේ 48 වන අගවිනිසුරු ලෙසත් මුර්දු ප්රනාන්දු මහත්මිය ඉතිහාසයට එක්වනවා.
අගවිනිසුරු ජයන්ත ජයසූරිය මහතා විශ්රාම යෑමෙන් පසු පුරප්පාඩු වූ ධුරය සඳහා ඇයගේ නම ව්යවස්ථා සභාව විසින් පසුගියදා අනුමත කර තිබුනා
1985 වසරේදී නීතිපති දෙපාර්තමේන්තුවට එක් වූ ඇය 1997 වසරේදී නියෝජ්ය සොලිසිටර් ජනරාල් ධුරයටත්, 2014 වසරේදී අතිරේක සොලිසිටර් ජනරාල් ධුරයටත් උසස්වීම් ලබා තිබෙන අතර රජයේ නීතිඥවරියක ලෙස නීතිපති දෙපාර්තමේන්තුවට බැඳී වසර 30කට වැඩි කාලයක් එහි සේවය කර තිබෙනවා.
2018 මාර්තු මාසයේදී සිට ශ්රේෂ්ඨාධිකරණයේ කටයුතු කරන මුර්දු ප්රනාන්දු මහත්මිය නීතිපති දෙපාර්තමේන්තුවේ ජ්යෙෂ්ඨ අතිරේක සොලිසිටර් ජනරාල්වරිය ලෙස සේවය කළ අතර ශ්රේෂ්ඨාධිකරණයේ දැනට සිටින ජ්යෙෂ්ඨතම විනිසුරුවරියද වනවා
