ශ්රීලන්කන් ගුවන් සමාගමේ හිටපු ප්රධාන විධායක නිලධාරී කපිල චන්ද්රසේන මහතා අද (08) උදෑසන කොල්ලුපිටිය, පෙඩ්රිස් පෙදෙසේ පිහිටි ඔහුට අයත් නිවසකදී මියගොස් සිටියදී හමුවී තිබේ. පොලිස් මාධ්ය ප්රකාශකවරයා සඳහන් කළේ මෙම මරණය සැකසහිත බවට සැලකිල්ලට ගෙන විමර්ශන ආරම්භ කර ඇති බවයි.
වාර්තා වන ආකාරයට ඔහුගේ සිරුර නිවස තුළ එල්ලී සිටි අයුරින් සොයාගෙන ඇති අතර, මරණයට හේතුව සම්බන්ධයෙන් අවසන් තීරණයක් මෙතෙක් ප්රකාශ කර නොමැත. කොල්ලුපිටිය පොලිසිය සහ අධිකරණ වෛද්ය නිලධාරීන් එක්ව පරීක්ෂණ සිදුකරයි.
මෙම සිදුවීම සිදුව ඇත්තේ, ඊයේ (07) කොළඹ ප්රධාන මහේස්ත්රාත් අධිකරණය විසින් කපිල චන්ද්රසේන මහතා යළි අත්අඩංගුවට ගැනීමට වරෙන්තු නිකුත් කිරීමෙන් පැය කිහිපයකට පසුවය. ඔහු එයාර්බස් ගුවන් යානා මිලදී ගැනීමේ අතිවිශාල ආන්දෝලනාත්මක ගනුදෙනුවට අදාළ නඩුවේ ඇප කොන්දේසි උල්ලංඝනය කර ඇති බවට අල්ලස් හෝ දූෂණ චෝදනා විමර්ශන කොමිසම අධිකරණයට දැනුම්දී තිබුණි.
කපිල චන්ද්රසේන මහතා ශ්රීලන්කන් ගුවන් සේවය, මිහින් ලංකා සහ මොබිටෙල් ආයතනවල ප්රධාන තනතුරු දැරූ ප්රබල ව්යාපාරිකයෙකු වූ අතර, 2013දී සිදුකළ ඇමරිකානු ඩොලර් බිලියන 2කට අධික වටිනාකමකින් යුත් එයාර්බස් ගුවන් යානා ගනුදෙනුව සම්බන්ධයෙන් ඔහුට එරෙහිව බරපතල චෝදනා එල්ල වී තිබුණි.
08
May
May
