පරීක්ෂකයන්ට ප්‍රශ්න පත්‍ර වංචා බෑ. අයදුම්කරු ඉල්ලා සිටියොත් පිළිතුරු පත්‍රය පෙන්විය යුතුයි

තොරතුරු දැනගැනීමේ අයිතිවාසිකම් පනත (RTI) විශ්වවිද්‍යාල අතුරු නීතිවලට වඩා බලවත් බව Court of Appeal of Sri Lanka විසින් තීරණය කර තිබේ.
ඒ අනුව, සෑම විභාග අපේක්ෂකයෙකුටම තමන්ගේ ලකුණු කළ පිළිතුරු පත්‍ර පරීක්ෂා කිරීමේ අයිතිය ඇති බව අධිකරණය අවධාරණය කර ඇත.
මෙම නඩුව උද්ගත වී තිබුණේ The Open University of Sri Lanka හි නීති උපාධි (LLB) තේරීම් විභාගයට පෙනී සිටි සිසුවියක විසින් තම පිළිතුරු පත්‍ර සහ ලබාදුන් ලකුණු පිළිබඳ තොරතුරු ඉල්ලා සිටීමෙන් අනතුරුවය. විශ්වවිද්‍යාලය එම ඉල්ලීම ප්‍රතික්ෂේප කිරීමත් සමඟ ඇය RTI කොමිෂන් සභාව වෙත පැමිණිල්ලක් ඉදිරිපත් කර තිබුණි.
පසුව Right to Information Commission of Sri Lanka විසින් එම තොරතුරු නිකුත් කරන ලෙස නියෝග කර තිබූ අතර, එම තීරණය අභියෝගයට ලක් කරමින් විශ්වවිද්‍යාලය අභියාචනාධිකරණය වෙත ගොස් තිබුණි.
කෙසේ වෙතත්, අධිකරණය ප්‍රකාශ කර ඇත්තේ විභාගකරුගේ අනන්‍යතාව ආරක්ෂා කරමින් සිසුන්ට තමන්ගේ පිළිතුරු පත්‍ර පරීක්ෂා කිරීමට අවස්ථාව ලබා දිය යුතු බවයි.
මෙම තීන්දුව ලබා දෙමින් විනිසුරු Sumudu Premachandra සඳහන් කර ඇත්තේ,
“උසස් අධ්‍යාපන ආයතන තුළ සැඟවීම් ක්‍රීඩා සඳහා ඉඩක් නැත. පාරදෘශ්‍යභාවය අත්‍යවශ්‍යය.”
මෙම තීන්දුවත් සමඟ ඉදිරියේදී විභාග අපේක්ෂකයන්ට තමන්ගේ පිළිතුරු පත්‍රවලට ලකුණු ලබා දුන් ආකාරය පරීක්ෂා කිරීමේ හැකියාව ලැබෙනු ඇති බව නීති විශාරදයන් පෙන්වා දෙයි.