ලෝක බැංකුවේ දකුණු ආසියානු කලාපයේ උප සභාපති මාර්ටින් රයිසර් මහතා සහ අග්රාමාත්ය ආචාර්ය හරිනි අමරසූරිය අතර හමුවක් පාර්ලිමේන්තු සංකීර්ණයේදී සිදුව තිබේ.
මෙරට තාක්ෂණික, වෘත්තීය අධ්යාපන සහ වෘත්තීය පුහුණුව තුළ ගුණාත්මකභාවය ඉහළ නැංවීම පිළිබඳව මෙම සාකච්ඡාවේදී අවධානය යොමු කර ඇති බව වාර්තා වේ.
මේ අතර අධ්යාපනය, ස්ත්රී පුරුෂ සමානාත්මතාවය සහ රටේ ප්රධාන සංවර්ධන ප්රමුඛතා පිළිබඳව මෙන්ම ජාතික අභියෝගවලට මුහුණදීමේ සහ රටතුළ තිරසාර ප්රගතියක් අත්කර ගැනීම පිළිබඳවද මෙහිදී අවධානය යොමුව ඇති බව අග්රාමාත්ය මාධ්ය අංශය සඳහන් කර ඇත.
සිසුන් සඳහා විවිධ වෘත්තීය මාර්ග නිර්මාණය කිරීම සඳහා පාසැල් අධ්යාපනය සමඟ වෘත්තීය අධ්යාපනය ඉගැන්වීමේ වැදගත්කම මෙහිදී අවධානයක් යොමු වූ බව සඳහන්වේ.
ශ්රම බලකායේ ස්ත්රී පුරුෂ සමානාත්මතාවය සහ ආර්ථික ක්රියාකාරකම් සඳහා කාන්තාවන් සහභාගී කරගැනීම වැඩිදියුණු කිරීම සඳහා ප්රතිපත්තිමය මැදිහත්වීම්වල අවශ්යතාවය පිළිබඳව ද අවධානය යොමුව තිබේ.
අධ්යාපනය, ස්ත්රී පුරුෂ සමානාත්මතාවය සහ කලාපීය සංවර්ධනය ඉහළ නංවන තිරසාර විසඳුම් සඳහා සහයෝගයෙන් කටයුතු කිරීමට ශ්රී ලංකාව සහ ලෝක බැංකුවේ අන්යෝන්ය කැපවීම මෙම සාකච්ඡාවේදී තහවුරු වූ බව අග්රාමාත්ය මාධ්ය අංශය වැඩිදුරටත් සඳහන් කර ඇත.
