සෙවනගල සීනි කර්මාන්තශාලාව දින නියමයක් නැතිව වසා දැමෙයි

කොළඹ – සීමාසහිත ලංකා සීනි (පුද්ගලික) සමාගමේ සෙවනගල ඒකකයේ කර්මාන්තශාලාව දැනුම් දෙන තුරු දින නියමයක් නොමැතිව වසා දැමීමට පාලනාධිකාරිය තීරණය කර තිබේ. සේවකයින් විසින් ක්‍රියාත්මක කරන වැඩ වර්ජනය හේතුවෙන් ආයතනයට සිදුවන මූල්‍යමය අලාභය අවම කිරීමේ අරමුණින් මෙම පියවර ගත් බව සමාගම නිකුත් කළ නිවේදනයේ සඳහන් වේ.පසුගිය 25 වැනිදා සිට සේවක පිරිසක් රාජකාරිවලින් ඉවත්ව නිෂ්පාදන කටයුතු නතර කර තිබූ අතර, 26 සහ 27 යන දිනවල අත්‍යවශ්‍ය සේවා හැර අනෙකුත් සේවකයින්ට නිවාඩු ලබාදී ඇත. පසුගිය සිකුරාදා (28/08/2026) නිෂ්පාදන කටයුතු යළි ආරම්භ කිරීමට උත්සාහ කළද වැඩ වර්ජනය අඛණ්ඩව පැවතීම හේතුවෙන් කර්මාන්තශාලාව වසා දැමීමට තීරණය කර තිබේ.මෙය ශ්‍රී ලංකාවේ සීනි කර්මාන්තය තුළ ඇතිවූ විශේෂ තත්ත්වයක් ලෙස සැලකේ. වැඩ වර්ජනයේ දිගුකාලීන බලපෑම් සමාගමේ මූල්‍ය තත්ත්වයටත්, සේවකයින්ගේ ආදායමටත් බලපාන බව විශ්ලේෂකයන් පෙන්වයි.